Фудбалерите на Шкендија потешко од очекувањата, но сосема заслужено, стигнаа до три бода против Пелистер славејќи со 2-1 на домашен терен во Тетово.

Гостите го изненадија домаќинот на самиот старт. По само седум минути игра, Спировски најдобро се снајде по една мешаница по корнер и ја затресе мрежата за рано водство на битолчани.

Шкендија веднаш возврати со офанзива и создаде неколку сериозни закани, а израмнувањето пристигна во 21. минута преку искусниот Бесарт Ибраими. До крајот на првото полувреме имаше уште неколку возбудувања, но резултатот остана 1-1.

Во вториот дел херој за тетовци повторно беше Ибраими, кој по нешто повеќе од еден час игра постигна втор гол и донесе целосен пресврт. Пелистер се обиде да се врати во мечот, но немаше доволно сили за нов погодок и избегнување на поразот.

Ова се значајни бодови за Шкендија во пресрет на големото дерби против Вардар, кое ќе се одигра в четврток на терените на ФФМ.

View this post on Instagram

A post shared by PrvaMFL (@prvamfl)