ВИДЕО: И тој беше во шок – Видал се извини поради бруталниот фаул врз Торес
Чилеанскиот репрезентативец Артуро Видал доби црвен картон на натпреварот од јужноамериканските квалификации за пласман на Светското првенство против Еквадор (2:0) по само 14 минути игра.
Ова очигледно тешко му падна, па реши на Твитер да коментира за бруталниот фаул кој го направи врз еквадорскиот репрезентативец Феликс Торес.
Видал непотребно во „кунг-фу“ стил го удри противничкиот играч и во уште поголеми проблеми се најде чилеанскиот состав кој веќе беше во негатива од девттата минута на дуелот во Сантјаго.
– Сè уште не можам да верувам. Им се извинувам на моите соиграчи, стручниот штаб, семејството и целата земја. Ќе продолжиме да се бориме до крај – напиша Видал на социјалните мрежи.
Чиле е на шестото место на четири кола пред крајот на квалификациите за Светското првенство, но сепак со реални шанси да игра во Катар на крајот на следната година.
Квалификациите продолжуваат на 27 ноември кога ја пречекува Аргентина, која веќе го обезбеди пласманот на Светското првенство во Катар.
ВИДЕО: Аргентина со реми против Бразил се пласираше на Мундијалот