ВИДЕО I Нобеловецот Бисли : Околу 270 милиони луѓе се на раб на глад
Околу 270 милиони луѓе ширум светот, колку што вкупно изнесува населението на Германија, Велика Британија, Франција и Италија, се на раб на глад, предупреди денеска директорот на Светската програма за храна на Обединети нации (WFP), Дејвид Бисли по примањето на Нобеловата награда за мир.
– Поради толку војни, климатски промени, широката употреба на гладта како политичко и воено оружје и глобалната здравствена пандемија, што експоненцијално се влошува, 270 милиони луѓе се на чекор кон работ на гладта, истакна Бисли во говорот од Рим.
We are so honored to accept the #NobelPeacePrize today. At the same time, it is my tragic duty to tell you that famine is at humanity’s doorstep.
The silver lining is that we can stop this together. Join us as we call for urgent action. pic.twitter.com/nZOSxAae7M
— David Beasley (@WFPChief) December 10, 2020
Тој нагласи дека ако не се задоволат основните потреби на тие луѓе, тоа може да предизвика пандемија на глад, што би ги засенила последиците од Ковид-19.
– Ако тоа не е доволно лошо,од тие 270 милиони луѓе, опстанокот на 30 милиони луѓе зависи од нас 100 отсто, посочи Бисли.
Нобеловите награди годинава се доделуваа на многу поинаков начин од традиционалната прослава во норвешкиот главен град, поради пандемијата на новиот коронавирус.
Извор:МИА