4 C
Скопје

ВИДЕО I Чаловски: Ја поздравуваме ревизијата на Министерството за култура, но и тоа треба да ги исполни обврските

Министерството за култура соопшти дека нема да ги исплаќа средствата за проектите до завршување на финансиските контроли, со цел заштита на буџетските средства.

– Ова е нова ситуација и не може до крај да се предвиди како оваа одлука ќе влијае врз одвивањето на културниот живот во државата, вели Јане Чаловски, претседател на ЈАДРО, Асоцијација на независната културна сцена во „Утрински брифинг“.

– Она што го знаеме е дека оние проекти кои се уредно спроведени во 2020 година, уредно аплицирани и со комплетен извештај доставен на време во Министерството за кулура, не би требало да трпат заради некој друг процес како што е оваа прилично обемна ревизија, која била спроведена од септември, минатата година. Веруваме дека доколку не се исплатат тие средства кои им се должат на организациите што уредно ја завршиле својата програма и предале завршни извештаи, тогаш е сигурно дека оваа одлука негативно ќе влијае, посочи Чаловски.

Прочитајте и...  Рама ја прими пратката од „Фајзер“, најави нови количини и интензиивирање на вакцинацијата против ковид-19

Тој истакна дека сите веќе работат со мали и многу скромни буџети, се наоѓаат пред затворање на фискалната 2020 година овие денови, така што финансискиот притисок кон помалите организации во културата е навистина значителен.

– Очекуваме Министерството да има капацитет да спроведе повеќе процеси истовремено: едниот е оваа ревизија, која всушност ја поздравуваме и мислиме дека беше очекувана. Можеби не доаѓа во идеално време, но, секако, беше и наша заложба да видиме како се работело сите овие години. Од друга страна, очекуваме Министерството да ги исполни своите обврски кон уредно спроведените проекти во минатата година. Натаму, ние би сакале да видиме и точно и транспарентно да се објасни што понатаму со тие државни средства од еден милион евра, кои веројатно се од неколку буџетски години. Каква намена ќе имаат тие? – Верувам дека власта ќе има одговорен пристап и кон тоа а ние како граѓански сектор сме подготвени да допринесеме во дебатата што со тие средства, како да се помогне на широкиот културен сектор во кој велгуваат независните, но и институциите од културата, додава првиот човек на ЈАДРО.

Прочитајте и...  Вучиќ: Србија не е близу до вонредна состојба

Тој додава дека исплатата на средствата за проектите кои не се спорни не би требало да трае повеќе од еден месец.

Целиот разговор со Чаловски може да го погледнете во видеото.

Поврзани вести

Незири: На локални избори албанско-македонските коалиции полесно се постигнуваат

Дестан Јонузи

183 санкционирани возачи во Скопје, 29 за брзо возење, 30 санкции за пешаците

Слободен печат

ВИДЕО | Ивановска: Сите активности треба да одат во иста насока, расчистување со корупцијата

Слободен печат

Фридом хаус: Северна Македонија останува делумно слободна земја, корупцијата и натаму предизвик

Слободен печат

Метју Палмер: Меѓусебно признавање е целта на САД во дијалогот Србија-Косово

Слободен печат

ВМРО-ДПМНЕ: Заев најави ново задолжување од 700 милиони евра

Слободен печат

Остави Коментар