Фудбалерите на Гранада во вечерашниот натпревар го победија Кадиз со 2:0 во првиот натпревар од 19-тото коло во шпанскиот шампионат и овој триумф за Гранада беше прв во Ла Лига по пауза од четири месеци.

Гранада за првпат сезонава успеа да ја сочува мрежата на еден натпревар, додека гостинскиот тим не победи ниту на осмиот натпревар во низа. До водство Гранада дојде во 22. минута со голот на Мирто Узуни и тоа откако претходно противникот создаваше повеќе прилики.

Кадиз нападна во вториот дел, а клучен беше црвениот картон за Рубен Собрино кој при еден напад непотребно и далеку од топката го собори Виљар. Брајан Сарагоса го постави конечниот резултат во 70-татам инута.

Во овој момент Гранада е на 19. место со 11 освоени бодови, Кадиз со четири бода повеќе две позиции погоре.