Нашите девојки повторно ќе патуваат во Рига, каде ќе се одржи новиот квалификациски турнир на ФИБА и на кој ќе се обидат да стигнат до посакуваната прва победа во овој циклус.

Селекторот Владимир Ѓоровиќ и неговите асистенти Срѓан Дамјановски и Александар Ашаданов ќе се обидат овој тим кој е во Охрид, заедно со Анџелика Митрашиновиќ и Девана Бонер да го направи тоа.

-Изигран е првиот дел од сезоната, освежени сме во тимот со уште неколку помлади кошаркарки со што се надевам дека ќе се зголеми конкуренцијата. Нас ни фалат Јелена Антиќ која моментално е во Катар каде спроведува завршен дел на рехабилитација.

Девана Бонер минатата недела настапуваше на ФИБА купот, после тоа е вратена во САД и очекуваме да пристигне директно во Рига, каде ќе имаме време за шест тренизи каде ќе има доволно врем да се уклопи во тимот. Капитенот Анџелика Митрашиновиќ очекуваме да дојде во Охрид и да се комплетира екипата.

Моментално турнирот во нашата група во Рига е една од најаките групи, бидејќи не е јасно кои екипи ќе се пласираат понатаму. Ние сме аутсајдери, немаме шанса за тоа но Летонија, Германија и Хрватска се во игра за пласман на ЕУ. Тоа можеби ќе биде и наша предност бидејќи ќе бидат под страшен притисок.

Целиот разговор погледнете го во видеото: