Илјадници луѓе излегоа на улиците на Ерусалим денеска на протест против израелскиот премиер Бенјамин Нетанјаху, обвинувајќи го за недемократско отстапување и за продолжување на војната во Појасот Газа без размислување за 58-те заложници кои Хамас сè уште ги држи во енклавата.

Овој митинг, најголем во израелската престолнина во последните неколку месеци, беше организиран од групи противници на Нетанјаху кои протестираа против неговата одлука да го разреши Ронен Бар, шеф на службата за внатрешна безбедност (Шин Бет).

По најавата за разрешување на Бар, израелските напади врз Газа продолжија, а со тоа и организации на семејства и роднини на заложниците учествуваа на демонстрациите одржани пред Кнесетот.

⚡️??JUST IN:

Thousands of Israelis are heading from all directions to the Israeli Knesset in occupied Jerusalem to protest against Netanyahu, his government, the war and the firing of the head of Shin Bet and

Note: The head of shin bet fully supports Israel’s genocide. pic.twitter.com/YWjVuBfZzM

— Suppressed News. (@SuppressedNws) March 19, 2025

„Се надеваме дека целиот народ на Израел ќе се приклучи на движењето и ќе продолжи додека не се врати демократијата и не се ослободат заложниците“, рече 68-годишниот Зеев Берар, кој отпатува во Ерусалим од Тел Авив за да учествува во протестите.

„Ти си лидерот, тоа е твоја вина“ и „имаш крв на рацете“, извикуваше толпата, обраќајќи му се на Нетанјаху. Други држеа транспаренти со слоганот „Сите сме заложници“, додека некои ги повикаа Соединетите Држави, историски сојузник на еврејската држава, „Спасете го Израел од Нетанјаху“.

Marching on Highway 1 from Motza to Jerusalem to protest Israel’s democracy and to demand a ceasefire and a deal to free the hostages.

Credit Alon Banki pic.twitter.com/GxAOLT0TXE

— We Are All Hostages (@AllHostages) March 19, 2025

Со одобрување на нови напади врз Појасот Газа, Нетанјаху, како што веруваат роднините на заложниците, ги „жртвуваше“, бидејќи можеби се меѓу десетиците луѓе кои ги загубија животите во последните два дена во палестинската енклава. Од 251 лице киднапирано во нападот без преседан на Хамас врз Израел на 7 октомври 2023 година, 58 остануваат во Газа, од кои 34 се мртви, според израелската војска.

Демонстрантите го обвинија Нетанјаху дека ја искористил војната против Хамас за да ги замолчи неговите внатрешни критичари и да собере повеќе моќ. Планот за реформа на судскиот систем, кој предвидува ограничување на овластувањата на Врховниот суд, предизвика огромни протести на почетокот на 2023 година и го подели Израел.

Thousands of Israelis are marching towards occupied Jerusalem in protest of Netanyahu’s abandoning of the Israeli prisoners in Gaza by resuming the genocide and sabotaging the ceasefire-prisoner-exchange agreement. pic.twitter.com/l6g2tX32nQ

— Quds News Network (@QudsNen) March 19, 2025

„Последните две години беа кошмар, дојде време да се спаси земјата и демократијата“, рече Јаел Барон, 55-годишен жител на Модин.

Израелскиот премиер во неделата објави дека треба да го разреши шефот на Шин Бет, тврдејќи дека повеќе нема „доверба“ во него по неуспехот на агенцијата да го спречи крвавиот напад од 7 октомври. Владата на Нетанјаху го започна и процесот за разрешување на државниот обвинител, кој изрази резервираност за политиката што ја води.