Манчестер сити немаше милост и во рамки на ФА Купот го декласира третолигашот Екстер со убедливи 10-1. Иако противникот беше од третиот ранг на англискиот фудбал, Пеп Гвардиола на теренот го испрати силен состав состав, меѓу кои беа Халанд, Рејндерс, новото засилување Антоан Семењо и Родри.

Головите почнаа да се редат уште во 12-та минута кога Алејена го отвори резултатот, а Родри брзо ја зголеми предноста. Првиот дел заврши со уште два автогола на гостите, што ја направи предноставеќе недостижна.

Во вториот дел блесна новото засилување Семењo, најпрво асистираше за Рико Луис во 49-та минута, а пет минути подоцна и сам се запиша во листата на стрелците. До крајот на мечот голови постигнаа Рејндерс, О’Рајли, уште еднаш Луис, а на својот првенец во дресот на „граѓаните“ се израдува и младиот Мекаидо. Едниот погодок за гостинската екипа го постигна Брич.

Со ова, Манчестер Сити за првпат во ерата на Пеп Гвардиола постигна двоцифрен број голови во еден официјален натпревар.