Движењето „Кој е Следен?“ денеска изведе герила-акција пред судницата во затворот „Идризово“, непосредно пред почетокот на судењето за трагедијата во дискотеката „Пулс“.

Со транспарентот на кој пишува „Ве гледаме!“, активистите порачаа дека им се должи правда на сите кои ги загубија животите и дека нема да дозволат таа да остане само празно ветување. Според нив, судската власт од денеска е „под лупа“.

ФОТО+ВИДЕО | Почнува судењето за пожарот во „Пулс“

Од движењето бараат непристрасен, професионален и целосно транспарентен судски процес, ослободен од политички влијанија. Судии кои ќе го водат случајот, велат тие, имаат должност да покажат интегритет, храброст и почит кон законот.

Активистите прашуваат дали правосудството ќе успее да одолее на притисоци или повторно ќе ја потврди недовербата на јавноста.

Тие подвлекуваат дека правдата за жртвите од пожарот во Кочани не е избор, туку обврска.

Новите осомничени функционери ќе се гонат со стари „поблаги“ санкции

Движењето најавува активности за да се обезбеди одговорност и да се слушне гласот на засегнатите. Тагата, велат, мора да се претвори во цел, а општеството да се обедини за промена.

„Правда мора да има“, порачуваат од „Кој е Следен?“.