ВИДЕО: Галено со прекрасен гол во 94 минута го урна Арсенал, Осимен за реми против Барса
![](https://www.slobodenpecat.mk/wp-content/uploads/2024/02/12044746.jpg)
На стадионот „Диего Армандо Марадона“ во Неапол, во првиот натпреар од осминафиналето во Лигата на шампионите ремизираа екипите на Наполи и Барселона со резултат 1:1 (0:0).
Каталонскиот гигант поведе во 60 минута со погодокот на Левандовски, а израмнија домаќините преку Осимен во 75 минута.
Реваншот помеѓу Барселона и Наполи ќе се одигра на 12 март со почеток од 21.00 часот.
На дуелот одигран на „Драгао“ во Португалија составот на Порто со 1:0 триумфираше над Арсенал.
Единствениот гол на мечот беше реализиран во судиското надополнување преку Галено по асистенцијата на Отавио (90+4`).
🚨🚨| GOAL: WHAT A GOAL BY GALENO!!!
Porto 1-0 Arsenal
— CentreGoals. (@centregoals) February 21, 2024
Галено можеше и многу порано да се запише во листата на стрелците, во текот на првото полувреме од само пет метри ја погоди стативата, топката се одби до неговите нозе, а потоа шутираше покрај голот.
Возвратната пресметка помеѓу Арсенал и Порто е закажана за 12 март на стадионот „Емирати“ во Лондон од 21.00 часот.