Нисколигашите натпревари секогаш знаеле да понудат по некоја интересна приказна, а таква ни доаѓа од соседството. Еден несекојдневен момент ни доаѓа од српскиот фудбал каде можеби е одигран најкраткиот дуел во историјата на овој спорт.

Мечот од 13 коло од Колубарско-мачванската зона (четврти ранг) во Србија помеѓу Врело Спорт и Спартак Љиг траеше само пет секунди.

Спартак на теренот излезе со седум играчи, главниот судија донесе знак за почеток на натпреварот и после само пет секунди еден играч од таа екипа ја шутна топката и падна на теренот.

Првиот момент се помисли дека станува збор за сериозна повреда, иако беше укажана и лекарска помош, но можно е и фолирање, лажење дека е повреден со цел да се избегне резултатска катастрофа, друг избор очигледно немаше..

Според правилникот, еден клуб мора на теренот да има најмалку седум фудбалери, а во овој случај тој услов не се исполни и арбитарот донесе одлука за крај на мечот.