Фудбалската репрезентација на Англија е последниот полуфиналист на Евро 2020 откако со нова доминантна игра ја декласира Украина со 4:0.
Англичаните и против Украина демонстрираа зошто се главни фаворити за освојување на титулата, а долнителен мотив ќе им биде тоа што завршницата, односно полуфиналињата и финалето ќе се играат на „Вембли“ во Лондон.

Англичаните на „Олимпико“ во Рим поведоа уште на самиот старт, во четвртата минута погоди Хари Кејн за 1:0. Овој резултат остана до крајот на полувремето иако „Гордиот Албион“ имаше уште неколку одлични шанси да постигне гол. На 2:0 зголеми Хари Мегваер во првата минута од второто полувреме, по што во 50 минута Хари Кејн го постигна својот втор гол за водство од 3:0. Конечниот резултат го постави Џордан Хендерсон во 63 минута.
Противник на Англија во полуфиналето кое ќе се игра на седми јули во Лондон ќе биде селекцијата на Данска која со 2:1 ја совлада Чешка.
Во првото полуфинале, на шести јули ќе играат Италија и Шпанија.