Фудбалерот на Пењарол, Максимилијано Оливера, по натпреварот против Росарио Централ во првото коло од групната фаза на „Копа Либертадорес“ беше погоден со голем камен во главата.

Нередите на трибините почнаа пред почетокот на натпреварот, кога домашните навивачи почнаа да ја уриваат заштитната ограда и да ја фрлаат кон гостинските навивачи. Во таа прилика нема повредени, но на крајот подебелиот крај го извлече левиот бек на тимот на Пењарол.

Росарио славеше со 1:0, а играчите на противничкиот тим веднаш тргнаа кон своите навивачи за да им се заблагодарат за несебичната поддршка. По ова следеше дивеење од навивачи на домашната екипа, кои од трибините фрлаа тврди предмети кон ривалите.

Според тамошните медиуми, камен го погодил Оливера на левата страна од лицето.

Следуваше момент во кој изгуби контрола и се упати кон трибините за физички да се пресмета со навивачите. Тој беше спречен од соиграчите.

Jogador do Penarol recebe pedrada da torcida do time argentino Rosario Central. O ataque provocou um corte na cabeça do atleta. Que vexame para o futebol sul-americano. pic.twitter.com/xwdLGUTJhQ

— GugaNoblat (@GugaNoblat) April 5, 2024