Олимписките игри треба да претставуваат олицетворение на спортскиот, витешки дух, но не секогаш е така. Иако на Игрите во Токио спортисти меѓу себе си делеа медали, си помагаа едни на други, делеа златни медали, на последниот ден од 32. Летни олимписки игри се случи момент кој сигурно ги налути сите љубители на спортот. Главен негативец е францускиот маратонец Морхад Амдуни.

Машката маратонска трка поради топлото време и големата влажност не се одржа во Токио, но и покрај тоа дури 30 маратонци се откажаа од трката.

Потегот поради кој Амдуни го доби епитетот на главен негативец на Игрите беше забележан од камерите и се случи на 28 километар од трката. Имено, кога група маратонци поминуваше покрај столот на кој беа наредени шишиња со вода, Амдуни одлучи да ги турне сите шишиња и потоа последната која остана да ја земе за себе.
Ваквиот неспортски потег не му донесе голема корист на Французинот бидејќи трката ја заврши на 17 место.

BREAKING: The Gold medal for biggest d*ckhead of the Tokyo Olympics goes to French marathon runner Morhad Amdouni who deliberately knocks over all the water for his fellow competitors…Unbelievable! pic.twitter.com/D4IwmlAHlL

— Piers Morgan (@piersmorgan) August 8, 2021