ВИДЕО+ФОТО | Најмладата членка на Менса: Слатката Каше има две години и IQ 146

Фото: Инстаграм

Друштвото на најинтелигентните луѓе во светот, Менса, овие денови стана побогато за уште еден најмлад член, двегодишната Каше Квест, чиј коефициент на интелигенција изнесува дури 146.

Просечниот IQ изнесува меѓу 85 и 115, а членови на Менса може да станат само оние кои спаѓат во два проценти од вкупната светска популација, со исклучително висок IQ.

– Каше е неверојатно девојче, а во нејзиниот случај е уште поневеројатно тоа што нејзините родители рано ги препознале нејзините потенцијали, изјави Тревор Мичел, извршниот директор на ова друштво.

 

View this post on Instagram

 

A post shared by Kashe Quest (@kashequest)


Тој истакна дека членството ќе и помогне во уникатните предизвици со кои надарените млади лица и деца секојдневно се среќаваат.

– Не е секогаш лесно да се биде најпаметната личност во просторијата, а Менса разбира и колку на младите им е важно да се вклопат меѓу останатите, а свесни сме и дека потенцијалот на детето често не се препознава на време, додаде тој.

 

View this post on Instagram

 

A post shared by Kashe Quest (@kashequest)


Со неполна година ипол Каше веќе ги разликувала сите облици, бои и букви, а сега од втората кон третата година таа започнува да учи да чита.

– Веќе некое време знае да брои до 100, на карта според обликот ги разликува сите 50 американски држави, а ги научи и кратенките од хемиските елементи, изјави нејзината мајка Сукџит Атвал.

 

View this post on Instagram

 

A post shared by Kashe Quest (@kashequest)


Комуникациските способности на ова двегодишно девојче, исто така, се многу напредни, па така таа со леснотија научила и 50 знаци од знаковниот јазик, а во моментот иако не го зборува најдобро ниту мајчиниот јазик, англиски, таа учи и шпански јазик.

– Да учите со неа е уживање. Навистина брзо памти и што е уште поважно ги става поимите во контекст, не учи напамет, изјави нејзината мајка која вели дека Каше истовремено се однесува и како нејзините врсници.

 

View this post on Instagram

 

A post shared by Kashe Quest (@kashequest)


– Понекогаш кога не е се по нејзино, ја фаќаат „детските напади на бес“, раскажува мајка и, а неретко со родителите таа преговара и околу разните забрани и казни.

– Главната разлика меѓу неа и повеќето деца на нејзина возраст е во тоа што разбира многу повеќе работи од тоа што е нормално за тој период, па така ние внимаваме што се зборуваме пред неа, додаде нејзината мајка, која призна дека и самата често заборава дека нејзината двегодишна ќерка сфаќа работи кои не се за нејзината возраст.

 

View this post on Instagram

 

A post shared by Kashe Quest (@kashequest)


Инаку, коефициентот на интелигенција се одредува со стандардизирани тестови од различни области, математика, јазични вештини, перцепција и според Гинисовата книга на рекорди најголемиот IQ во светот го има американската авторка и предавач Мерилин вос Саван (74), а тој изнесува неверојатни 228.

 

View this post on Instagram

 

A post shared by Kashe Quest (@kashequest)

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот