Кошаркарите на Филаделфија се пласираа во плејофот на Источната конференција откако го победија Орландо со 109:97 во натпревар од плејин фазата во НБА-лигата. Филаделфија како седми носител ќе игра во првото коло од плејофот против второпласираниот Бостон.

Тајрис Макси го предводеше тимот до победата со 31 поен и шест асистенции, ВЈ Еџкомб постигна 19 поени и 11 скока, а Кели Убре имаше 11 поени. Дезмонд Бејн го предводеше Орландо со 34 поени. Паоло Банкеро постигна 18 поени со пет скока и четири асистенции, Ентони Блек имаше 13 поени и шест скока, а Франц Вагнер имаше 12 поени.

Орландо ќе игра против Шарлот за место во првото коло од плејофот. Победникот од тој натпревар ќе игра против првопласираниот, Детроит.

Играчите на Голден стејт се вратија од негатива од 13 поени во четвртата четвртина за да ги победат Лос Анџелес клиперс со 126:121 и за место во плејофот ќе се соочат со Феникс.

„Воините“ беа предводени од Стеф Кари со 35 поени, од кои 27 во второто полувреме. Гај Сантос имаше 20 поени, шест скока и пет асистенции, а Кристапс Порзингис имаше 20 поени, пет скока и една асистенција. Ал Хорфорд додаде 14 поени. Бенедикт Матурин имаше 23 поени за Клиперс, Дариус Гарланд имаше 21 поен и осум асистенции, а Кавај Ленард имаше 21 поен и седум скока. Брук Лопез додаде 17 поени и пет скока.

Голден стејт или против Феникс во првото коло од плејофот ќе игра против бранителот на титулата Оклахома, која ја заврши регуларната сезона во Западната конференција како прв носител.