Ливерпул емотивно се збогува со Мохамед Салах и Енди Робертсон, двајца играчи кои ја одбележаа една од најголемите ери во модерната историја на англискиот фудбалски клуб.

По натпреварот и ремито со Брентфорд (1:1) по што „црвените“ како петтопласирани ќе играат следната сезона во Лигата на шампионите, играчите и тренерите на Ливерпул формираа почесен шпалир за Салах и Робертсон, глетка што беше особено трогателна за навивачите на „Енфилд“.

На крајот од шпалирот, ги чекаа две вистински икони на клубот – Кени Далглиш и Иан Раш. Легендите на Ливерпул им честитаа на Салах и Робертсон за нивните прекрасни кариери во црвениот дрес и сè што дадоа за клубот.

Салах е лицето на нападот на Ливерпул со години, човек со големи голови и еден од најважните играчи во ерата на враќањето на клубот на врвот на Европа и Англија. Робертсон, од друга страна, стана симбол на енергијата, борбениот дух и неуморното темпо што го обележаа Ливерпул под водство на Јирген Клоп.

Тоа беше збогување што само специјалните го добиваат на „Енфилд“.

Anfield saying farewell to the best left-back in the club's history.

Andrew Robertson. ❤️👋 pic.twitter.com/sqze5pHG0q

— Football Tweet ⚽ (@Footballtweet) May 24, 2026