ВИДЕО: Џејми Карагер импресионираше со своето знаење за Дарко Панчев и Црвена звезда
Во вторникот во четвртото коло од групите во фудбалската Лига на шампионите во групата „Г“ Црвена звезда со домашниот пораз од Лајпциг (1:2) ги загуби шансите за пласман во нокаут-фазата, но остана во игра за третата позиција која води во Лига Европа.
Легендата на Ливерпул, Џејми Карагер ги импресионираше колегите од „Си-Би-Ес Спортс“ со неговото фудбалско знаење за финалето во Европскиот куп (сегашна ЛШ) во 1991 година кога Црвена звезда со поранешниот македонски репрезентативец Дарко Панчев ја освои титулата.
Во тоа финале во Бари, белградските „црвено-бели“ триумфираше против Марсеј по пенал серијата, а голот за европска титула го постигна Панчев.
Црвена звезда на патот до финалето исфрли екипи како Грасхоперс (5:2), Ренџерс (4:1), Динамо Дрезден (6:0), како и Баерн Минхен (4:3) во полуфиналната фаза.
– Црвена звезда постигна 19 голови таа сезона. И топ стрелецот тогаш за тој тим е Дарко Панчев, тој го постигна победничкиот гол во финалето. Потоа, се пресели во милански Интер, каде не се прослави. Тука, има и други играчи како Роберт Просинечки кој играше за Реал Мадрид и Барселона, како и Дејан Савичевиќ кој беше европски шампион и со Милан во 1994 година. Апсолутно брилијантни имиња – вели Карагер.
Карагер не го заборави и моментот кога Савичевиќ во финалето на ЛШ во дресот на Милан го лобуваше голманот Зубизарета.
As the kids would say, @carra23 knows ball. 🔥 pic.twitter.com/1cZmpgNmC1
— CBS Sports Golazo ⚽️ (@CBSSportsGolazo) November 7, 2023