Со уште една ноќ за паметење, Џејлен Браун ja oбележа НБА програмата изминатата вечер и беше клучниот човек во убедливиот триумф на Бостон над ЛА Клиперс од 146-115. Крилниот кошаркар блескаше со 50 поени, што е негов втор ваков учинок во кариерата, со што се приклучи на елитното друштво во историјата на Селтикси, во кое повеќе од еднаш до оваа бројка стигнале само Лери Бирд и Џејсон Тејтум.

Браун одигра речиси безгрешно, погоди 18 од 26 шута од поле, реализираше шест тројки од десет обиди и подели пет асистенции. Бостон ја потврди одличната форма со седма победа на последните осум натпревари.

JAYLEN BROWN DROPPED 50 TONIGHT 🤯

50 PTS (ties career-high)
18-26 FGM

He joins Jayson Tatum (5x) and Larry Bird (4x) as the only players in Celtics franchise history with multiple 50+ PT games! pic.twitter.com/GhA06b2WfT

— NBA (@NBA) January 4, 2026

Интересни дуели имаше и на останатите терени. Филаделфија славеше на гостувањето кај Њујорк со 130-119, а Џоел Ембид со 26 поени конечно влезе во посакуван ритам оваа сезона. Голден Стејт, предводен од  Стеф Кари, направи пресврт против Јута и победи со 123-114, при што Кари уфрли 31 поен, дури 20 од нив во третата четвртина.

Далас, пак, го надигра Хјустон со 110-104, благодарение на доминантната партија на Ентони Дејвис, кој забележа 26 поени, 12 скока и пет блокади. Кај поразениот тим најрасположен беше Кевин Дурант со 34 поени, додека Алперен Шенѓун несреќно го заврши мечот по само една минута поради повреда.

Торонто дојде до сигурна победа над Атланта од 134-117, а Ар-Џеј Барет постави личен сезонски рекорд со 29 поени. Истите ривали ќе се сретнат повторно и на следниот натпревар. Единствен тим кој не стигна до 100 поени беше Чикаго, кој загуби од Шарлот со 112-99, додека пријатно изненадување приреди Портланд со победата на гостински терен против Сан Антонио од 115-110.

Преземено од: Спорт.ком.мк