Кошаркарите на Бостон селтикс ги победија Њујорк никс со 123:117 во натпревар од регуларниот дел на сезоната во НБА лигата. Селтикс мораа да дојдат до победа по пресвртот кој немаше да се случи без Џејлен Браун.

Никс водеа постојано со двоцифрена разлика во текот на првото полувреме. Во вториот дел, работите на теренот целосно се променија. Предводени од Браун, Селтикс направија голема серија и влегоа во решавачкиот период со 18 поени предност.

Во последната четвртина, Никс успеаја да одговорат, да намалат на едноцифрена разлика, но не и да го свртат резултатот.

Why is nobody talking about Jaylen Brown?? pic.twitter.com/ZSroEhua4E

— Real Sports (@realapp) December 3, 2025

Џејлен Браун постигна 40 поени двапати во последните три натпревари. Сега се истакна со 42 поени, и со по четири скока и асистенции.

Вајт го следеше Браун со 22 поени, Симонс додаде 12, а Минот имаше 11 поени. Бриџис ги предводеше Никси со 35 поени, Таунс додаде 29, Харт 19, а Брансон 15.

НБА лига, резултати:

Филаделфија – Вашингтон 121:102

Торонто – Портланд 121:118

Бостон – Њујорк 123:117

Њу Орлеанс – Минесота 142:149

Сан Антонио – Мемфис 126:119

Голден Стејт – Оклахома 112:124