Кошаркарите на Лос Анџелес лејкерс ја оправдаа својата улога на фаворити против Њу Орлеанс пеликанс со победа на гостински терен од 111:103 во НБА лигата.

Иако по три одиграни четвртини, Њу Орлеанс имаше предноста од „плус седум“ (86:79), Лејкерс направија целосен пресврт во последниот дел од натпреварот.

Најзаслужни за триумфот на „езерџиите“ беа Лука Дончиќ и Леброн Џејмс кои реализираа по 30 поени. Словенецот запиша и 10 асистенции, а „Кралот“ имаше и по осум скока и асистенции.

На спротивната страна најрасположен беше Треј Марфи со личен рекорд од 42 поени, следен од интернационалецот од Бахамите, Деандре Ајтон кој дојде до дабл-дабл учинок од 18 поени и 11 скока.

Лејкерси се моментно трети на Западот (23-11) и сега се подготвуваат за гостувањето кај Спарси во Сан Антонио, додека Њу Орлеанс се среќава со Атланта хокс во Џорџија.

НБА лига, резултати:

Индијана пејсерс – Кливленд кавалирс 116:120
Вашингтон визардс – Орландо меџик 120:112
Мемфис гризлис – Сан Антонио спарс 106:105
Њу Орлеанс пеликанс – Лос Анџелес лејкерс 103:111
Минесота тимбервулвс – Мајами хит 122:94
Сакраменто кингс – Далас маверикс 98:100