Валенсија забележа минимална, но исклучително значајна победа на гостувањето кај Гетафе од 1-0, освојувајќи три златни бода во жестоката битка за опстанок во Ла Лига, а еден од хероите повторно беше македонскиот репрезентативец Столе Димитриевски.

Нашиот голман одлично ја искористи повредата на Агирезабала и со низа сигурни интервенции уште еднаш потврди дека заслужува статус на прв избор меѓу стативите на „лилјаците“. Одлучувачкиот момент се случи во 84. минута, кога капитенот Гаја погоди за водство на Валенсија од 1-0, резултат кој до крајот остана непроменет.

Со оваа победа, Валенсија конечно успеа да излезе од зоната за испаѓање и да внесе нова доза оптимизам кај навивачите во продолжението од сезоната.

José Luis Gayà has broken deadlocker!

🇪🇸 Getafe 0-1 Valencia pic.twitter.com/tR6V0xw36A

— Goals ⚽ 🥅 (@goalplus) January 18, 2026