Кошаркарите на Детроит Пистонс минатата вечер славеа против Орландо со 98-83 и на тој на чин го израмнија резултатот во серијата на 1-1.

Триумфот беше изграден пред сè врз цврстата одбрана, со која домаќините го ограничија противникот на само 83 поени, што воедно значеше и прва плејоф победа на домашен терен по пауза од дури 18 години. По изедначеното прво полувреме, Пистонс го скршија отпорот во третата четвртина, која ја добија со доминантни 38-16 и го решија прашањето околу победникот.

Најефикасен и највпечатлив на паркетот беше Кејд Канингам со 27 поени и 11 асистенции, предводејќи го својот тим до значаен триумф. Со ова, Детроит стави крај и на негативната низа од 11 последователни порази на домашен терен во плејоф натпревари.

Серијата сега се сели на Флорида, каде што ќе се одиграат следните два натпревари од првата рунда во НБА.

ВИДЕО | Oклахома уште еднаш подобра од Феникс, но победата ја засени повредата на еден од најдобрите