ВИДЕО: Дете го прекина мечот на Борусија, погледнете што направи Халанд
Трансферот на Ерлинг Халанд од Борусија е топ тема ова лето, но младиот норвешки напаѓач и понатаму е член на клубот од Дортмунд со кој денеска одигра подготвителен натпревар против Атлетик Билбао.
Мечот се одигра во швајцарскиот Ст. Гален, Гален и во еден момент го прекина едно мало момче кое не можеше да го дочека крајот на натпреварите, па влезе на теренот за да побара автограм од неговиот идол.
Момчето прво чекаше да излезе топката од игра и му пријде на Халанд пред да биде изведен корнерот, а Норвежанецот со задоволство го пречека и се потпиша на маицата пред да го насочи надвор од теренот.
This young fan managed to get Haaland's signature, during a game 😅👏 pic.twitter.com/4kVTu0E2q4
— ESPN FC (@ESPNFC) July 24, 2021
Според снимката, се чини дека на момчето не му било гајле кога полицаец се движел во негова насока, бидејќи сепак сторил прекршок што може да му предизвика сериозни проблеми кога ќе стане возрасен, но тој само смирено го придружувал надвор од теренот.
Натпреварот по кратко време продолжи и Атлетик победи со 2:0 со головите на Раул Гарсија во 50 минута од пенал и Дани Вивиано во 57 минута.