Кошаркарите на Баерн Минхен славеа со 85-80 против Виртус Болоња, а македонскиот репрезентативец Ненад Димитријевиќ одигра одличен натпревар и забележа дабл-дабл учинок.

Германскиот состав подобро го отвори мечот и ја доби првата четвртина со 23-16, но гостите од Болоња успеаја да се вратат во игра и да ја надоместат разликата, па на паузата резултатот беше израмнет, 43-43.

Во продолжението Баерн повторно ја презеде контролата и влезе во завршницата со предност од осум поени, но Виртус не се предаде и накратко направи пресврт за водство од 75-73. Сепак, во клучните моменти домаќините предводени од Димитријевиќ одиграа сигурно и не дозволија изненадување, па на крајот стигнаа до триумф од 85-80.

Димитријевиќ натпреварот го заврши со 11 поени, 10 скокови и три асистенции, додека најпрецизен кај победникот беше Дејвид МекКормак со 24 поени и осум скокови. На спротивната страна се истакна Мет Морган со 28 поени, дополнети со по еден скок и асистенција.

Резултати:

Жалгирис – Дубаи 65-77
Црвена звезда – Париз 94-81
Олимпијакос – Реал Мадрид 102-88
Барселона – Панатинаикос 79-93
Валенсија – Милано 102-9

ВИДЕО | Звезда не се откажува од плеј-офот, Париз падна во Белград