Репрезентацијата на Чешка го направи првото големо изненадување во нокаут фазата на Евро 2020 елиминирајќи ја фаворизираната Холандија и си закажа четвртфинална пресметка со Данска.
„Лалињата“ во осминафиналната пресметка влегоа како големи фаворити но на „Ференц Пушкаш“ арената се поразени со 2:0 од Чешка.

„Лалињата“ во желба да ги повторат игрите од групната фаза кога остварија три победи меѓу кои беше и таа над Македонија од 3:0, во дуелот со Чешка тргнаа со формација 3-5-2 со Мален и Депај како напаѓачи. Тие ја користитеа брзината во однос на чешките дефанзивци, но не успеаја да го совладаат чешкиот голман Томаш Вацлик и во второто полувреме тоа им се врати со камата. На стартот од второто полувреме, се тргна на лошо за Холанѓаните кога Матијс де Лихт заработи црвен картон поради играњето со рака во желбата да го спречи Патрик Шик да не излезе сам пред голманот Стекеленбург.

Судијата Карацев на консултација со ВАР собата сам ја прегледа спорната ситуација и му покажа директен црвен картон на Де Лихт.
Селекторот Де Бур немаше намера да се брани и во игра го уфрли напаѓачот Квинси Промес но и покрај тоа „лалињата“ не успеаја да го совладаа Вацлик.
Надежите на „лалињата“ ги урна Томаш Холеш во 68 минута по одличното додавање од Калас.
Вториот гол за Чешка го постигна Патрик Шик во 80 минута и ѝ закажа дуел на својата репрезентација со Данска во четвртфиналето.
Натпреварот помеѓу Чешка и Данска ќе се игра во Баку на 3 јули.