Едно е сигурно – притисокот што се случи после 2016 заврши. Се случија огромни проблеми, поместувања, притисоците врз големите технолошки компании кои што низ годините имплементираа серија на различни пракси, пратики, со кои што тие влијанија од 2016 година комплетно беа онеспособени да бидат оправдување за изборите во САД, изјави во „Утрински брифинг“ на „Слободна ТВ“ Дарко Булдиоски, сопственик на NewMediaMK, и додава дека Соццијалните медиуми успеаја да ги победат изворите на информации кои во 2016 беа проблем и топла тема.

-Она што денеска го имаме е што лажните вести доаѓаат од највисоките политички естаблишменти. Бројни истражувања покажаа дека најголем индивидуален извор на лажни вести беше и е Доналд Трамп и неговата фамилија. Ако претходно требаше да се воспоставува модерација и блокирање на содржини кои што доаѓаа од разно-разни фарми на ботови, денеска всушност треба сметката на твитер на Трамп да ја блокирате, рече Булдиоски.

-Разликата е во тоа што природата на дистрибуција на лажни вести и на конспиративни терории е што многу често изворот на лажна вест не е Фејсбук или Твитер, Јутјуб, туку некој меинстрим медиум каде што во живо еминентен политичар пласира некаква лажна информација и таа потоа се префрла на социјалните медиуми- вели Булдиоски. 

Целиот разговорот со Булдиоски погледнете го во видеото: