Денеска во рамките од 14 коло во Премиер лигата составот на Брајтон направи изненадување совладувајќи го високо фаворитот Челси со конечни 4:1.

Уште во првото полувреме играчите на менаџерот Де Ѕерби ги понижија лондонските „сини“ со три гола во мрежата на Аризабалага. Во петтата минута предност за домаќините донесе Тросард, а автоголови до крајот на првото полувреме си постигнаа Лофтус-Чик во 14 и Чалобах во 42 минута.

На стартот од вториот дел гостите намалија преку Хаверц, а трите бода за Брајтон ги потврди Грос во самиот финиш од средбата (90+2`).

Тотенхем иако имаше негатива од 2:0 против Бурнмаут, на крајот составот на Конте направи целосен пресврт на „Виталити“ стадионот. Домаќинот стекна позитива од 2:0 со головите на Мур, а на спротивната страна по еден погодок имаа Сесењон, Дејвис и Бентанкур.

Во другите мечеви: Брентфорд – Вулверхемптон 1:1, Кристал палас – Саутемптон 1:0 и Њукасл -Астон Вила 4:0.

Табела: Манчестер сити 29 бодови, Арсенал 28, Тотенхем 26, Њукасл 24, Челси 21, Манчестер јунајтед 20…

ВИДЕО: Манчестер сити може и без Халанд – мајсторија на Кевин де Брујне против Лестер