Фудбалерите на Борусија Дортмунд денеска славеа како домаќини против екипата на Ајнтрахт Франкфурт со резултат од 3:2, во натпреварот од 33 коло во Бундеслигата.

Со вечервашниот триумф, „милионерите“ го потврдија второто место на табелата пред последното коло, додека Ајнтрахт значително се оддалечи од место во Европските купови.

Гостите од Франкфурт одлично го отворија натпреварот на „Вестфален“ и поведоа во втората минута преку Кан Узун, но на крајот од првото полувреме Дортмунд дојде до пресврт и го трасираше патот до победата.

Прво, во 42 минута, Серу Гираси израмни на 1:1 со својот 16 лигашки гол, а во судиското продолжение од првото полувреме, Нико Шлотербек постигна гол за 2:1, со асистенција од Макс Бајер.

Бајер му намести гол на Самуел Инасио во 73 минута, што ѝ овозможи на Борусија да го удвои водството, но Ајнтрахт успеа само да го ублажи поразот преку Џонатан Буркарт, кој го постави конечниот епилог на 3:2 во 87 минута.

На табелата во германското првенство, Дортмунд на втората позиција има 70 бодови, додека Ајнтрахт Франкфурт е на осмото место со 43 бодови.