Фудбалерите на Ал Хилал постигнаа убедлива победа од 6:0 на гостински терен над Ал Охдод во 21 коло од саудиската Про лига.

Натпреварот го одбележа поранешниот играч на Реал Мадрид, Карим Бензема, кој го имаше своето деби во дресот на тимот од Ријад и тоа го направи со стил – постигна три гола.

Францускиот напаѓач се пресели од Ал Итихад во својот голем ривал во последниот ден од преодниот рок. Се чини дека ова не наиде на одобрување од неговиот поранешен соиграч Кристијано Роналдо. Сепак, ова беше голема одлука за Ал Хилал, бидејќи дебито на Бензема веднаш прекина серија од три последователни нерешени резултати.

Бензема беше фантастичен во својот прв натпревар, постигнувајќи три гола, познатиот „хет-трик“ и запишувајќи една асистенција, со што учествуваше во четири од шесте гола на својот нов тим.

Французинот во 70 минута од натпреварот му асистираше на Малком за четвртиот гол. Бензема настапи до 73 минута, а до крајот на натпреварот Салем Ал Давсари постигна два гола потврдувајќи ја убедливата победа.

Со оваа победа, Ал Хилал останува лидер во шампионатот, со четири бода повеќе од Ал Наср на Кристијано Роналдо, кои се на второто место.