Во дербито на четвртфиналето на Евро 2020, Италија во Минхен ја совлада Белгија со 2:1 и се пласира во полуфиналето кое им е прво по девет години.

Иако селекцијата на Италија во овој натпревар влезе со серија од 31 натпревар без пораз, Белгија беше прогласена за фаворит. Но и на овој натпревар се пкажа дека Италија игра одличен фудбал и не случајно е хит на Евро 2020.

Италијанците први постигнаа гол кога Леонардо Бонучи во 13 минута го совлада Куртоа, но ВАР го поништи голот поради офсајд. Избраниците на селекторот Роберто Манчини продолжија со својата добра игра, со висок пресинг и тоа даде резултат во 32 минута кога Николо Барела го совлада Куртоа. Во финишот Лоренцо Инсиње со одличен шут од дистанца ја затресе мрежата за водство од 2:0. Белгија веднаш возврати со гол од пенал кој го изнуди Доку, а го реализира Лукаку.

Во втоторо полувреме, Белгијците имаа неколку одлични шанси преку Ромелу Лукаку, но јунат на Италија беше Спинацола кој спречи чист гол. До крајот на натпреварот Италија го задржа водството и се пласира во полуфиналето кое  е прво по 2012 година.