Денеска во рамките од 23 коло во најдобрата турска Суперлига фудбалерите на Коњаспор на домашен терен со 2:0 го совладаа Галатасарај.

Немаше погодоци во текот на првото полувреме, на стартот од вториот дел гостите постигнаа гол, но истиот беше поништен по ВАР снимката.

Во 75 минута домаќините го постигнаа првиот гол преку Демирбаг по асистенцијата на Јазгили.

Вториот погодок беше реализираше во 81 минута преку Крамер, а му асистираше македонскиот репрезентативец Енис Барди. Нашиот играч настапи од 72 минута како замена за Олаигбе.

За Коњаспор ова е петта победа сезонава во првенството за моментно 13 место со 23 бодови, и во следното коло на 27 февруѕари ќе игра против Башакшехир на гостински терен.

За Галатасарај ова беше само втор пораз, и натаму е на лидерската позиција со 55 бодови, но сега Фенербахче има шанса за два дена пред своите навивачи со евентуална победа над Касимпаша да се израмни на врвот.