ВИДЕО | Баерн го совлада Аугсбург во баварското дерби
Фудбалерите на Баерн Минхен во саботата славеа на гостински терен против Аугсбург со 3:2, во второто коло од Бундеслигата.
Препорачано
Баварците поведоа со голот на Гнабри во 28 минута, а водството го зголеми Луис Дијаз со гол во четвртата минута од судиското продолжение на првото полувреме. Олисех го зголеми резултатот на 3:0 во 53 минута.
Баерн потоа се опушти, а Аугсбург само успеа да го ублажи својот пораз. Јакиќ ја намали негативата на Аугсбург во 54 минута, а играчот од средниот ред Комур го постави конечниот резултат со гол во 76 минута.
Баерн досега ги доби двата натпревари во германското првенство, додека Аугсбург има учинок од една победа и еден пораз.
Баерн ќе биде домаќин на Хамбургер во следното коло во Минхен, додека Аугсбург ќе игра на гостински терен против Сент Паули во Хамбург.
Бундеслига, 2 коло
Сабота, резултати –
Хофенхајм – Ајнтрахт Франкфурт 1:3
Лајпциг – Хајденхахм 2:0
Штутгарт – Борусија Менхенгладбах 1:0
Вердер Бремен – Баер Леверкузен 3:3
Аугсбург – Баерн Минхен 2:3
