Во четвртокот во четвртфиналето на Кралскиот куп фудбалерите на Атлетико Мадрид убедливо со 5:0 го совладаа составот на Бетис.

Во листата на стрелците кај „јорганџиите“ се запишаа Ханко во 12, Симеоне во 30, Лукман во 37, Гризман во 62 и Алмада во 83 минута.

За Лукман ова беше дебитантски настап во дресот на Атлетико Мадрид, а воедно му асистираше на Гризман за 4:0.

Така, познати се сите учесници во полуфиналната фаза на натпреварувањето: Барселона, Реал Сосиедад, Атлетик Билбао и Атлетико Мадрид.

Ждрепката за полуфиналните двојки во Копа дел Реј ќе се одржи в петок.