Кошаркарите на Атланта Хоукс забележаа важна победа над Јута Џез со 132-122 на гостувањето. Иако Лаури Марканен блескаше со 40 поени за Јута, тој немаше поддршка од соиграчите, што резултираше со пораз на домашен терен. Кај Атланта, Оконгву се истакна со 32 поени, додека Џонсон го комплетираше спектаклот со 31 поен, 18 скока и 14 асистенции.

Феникс Санс без проблеми ja совладаа Индијана Пејсерс со 133-98. Девон Букер и Дилион Брукс ја предводеа домашната екипа, со Букер со 33 поени, додека Брукс го следеше со 32. Кај Индијана, најефикасен беше Нембхард со 21 поен, што не беше доволно за каков било отпор.

Торонто Репторс извојуваа гостинска победа против Кливленд Кавалирс со 126-113. Иако домаќините беа фаворити, одличната втора четвртина на Репторси направи разлика. Донован Мичел беше најефикасен за Кливленд со 31 поен, додека Барнс го предводеше Торонто со 28 поени и 10 скока.

Преземено од: Sport.com.mk