Иако грчевито се борат за опстанок во Премиер лигата, веќе многумина ги преселија фудбалерите на Вулверхемптон во понизок ранг, односно Чемпионшип.

Во петокот на домашен терен со резултат 2:0 стигнаа до само втората победа сезонава и тоа против еден од тимовите кои се борат моментно за позициите кои водат во Лигата на шампионите.

Откако неодамна го запреа Арсенал со нерешен резултат 2:2 пред своите навивачи, „Волците“ покажаа нов одличен настап против уште еден врвен тим – Астон Вила.

Астон Вила со тоа е без триумф по петти пат во последните шест мечеви во сите натпреварувања. Екипата на Унаи Емери е на третата позиција на табелата со 10 бода зад лидерот Арсенал.

Стрелци на головите беа Жуан Гомес во 61 минута и Родриго Гомеш во судиското надополнување (90+8`).

Вулверхемптон е на последното 20 место со 13 бодови. Во следното коло Астон Вила на 4 март ќе го пречека Челси, додека играчите на Роб Едвардс еден ден порано се домаќини на Ливерпул.