Арсенал со победа од 4-1 ја прекина серијата од 11 победи по ред на Астон вила, додека Манчестер јунајтед на „Олд Трафорд“ одигра само 1-1 со Вулвс.

На „Емирати“, првото полувреме помина без голови, но второто донесе вистински спектакл за „топџиите“. Само три минути по стартот на второто полувреме, Габриел искористи кикс на голманот Мартинез и донесе водство од 1-0. Во 52. минута, по одлична асистенција од Одегард, Зубименди ја зголеми предноста на 2-0.

Во 69. минута Тросар со прекрасен шут од далечина се погрижи за 3-0, и веќе немаше дилема кој ќе биде победник. Габриел Жесус влезе во игра во 78. минута и веднаш го постигна четвртиот гол за Арсенал. Длабоко во судиското продолжение, Оли Воткинс го постигна единствениот гол за Астон вила, за конечни 4-1.

Со овој триумф, Арсенал се „одлепи“ на плус четири бода пред Манчестер сити, кој има натпревар помалку.

Манчестер Јунајтед, пак, не успеа да ја искористи шансата против најслабиот тим во лигата и одигра само 1-1 со Вулвс, кои овој бод го освоија како трет оваа сезона. „Црвените ѓаволи“ поведоа во 27. минута со гол на Зиркзе, но пред крајот на првото полувреме Крејчи израмни на 1-1.

Во второто полувреме тимот на Аморим имаше цели 45 минути да ја врати предноста, но не успеа.

Преземено од: Спорт.ком.мк