Фудбалерите на Арсенал направија голем чекор кон финалето на англискиот Лига Куп, откако вечерва славеа на гостувањето кај Челси со 3-2 во првиот полуфинален дуел на „Стемфорд Бриџ“.

„Топчиите“ ја забележаа првата победа на теренот на лондонскиот ривал по пауза од речиси три години, односно од 2022 година наваму. Лидерот во Премиер лигата рано го отвори резултатот, кога Бен Вајт погоди уште во седмата минута, а на стартот од вториот делВиктор Ѓокереш донесе предност од 2-0.

Челси се врати во игра во 59. минута преку Гарначо, но избраниците на Микел Артета брзо одговорија, Зубименди зголеми на 3-1 и донесе комотна предност за гостите. Сепак, Гарначо со својот втор погодок во 83. минута внесе неизвесност и ја разгоре драмата до самиот финиш.

И покрај притисокот, Арсенал успеа да ја сочува предноста и со победа ќе го дочека реваншот, кој е закажан за 3 февруари на „Емирати“.