ВИДЕО: Арсенал беше фаворит, на крајот декласиран во лондонското дерби

Кристал палас беше убедлив над Арсенал/Фото: EPA-EFE/Neil Hall

Фудбалерите на Кристал палас во малото лондонско дерби на домашен терен изненадувачки убедливо го совладаа Арсенал со 2:0 во натпреварот од 31 коло во Премиер лигата.

Палас забележа триумф над фаворизираниот градски ривал кој е во одлична форма. Првиот гол на домаќините беше реализиран во 16 минута преку Матета.

Андерсен ја запиша и втората асистенција во 24 минута кога во мрежата на Ремздејл ја затресе и Ају.

Конечниот епилог беше поставен во 74 минута кога од пенал прецизен беше Заха за потврда на осмата победа сезонава за играчите на Виеира.

На табелата Арсенал е на петтата позиција со 54 бодови колку што има и четвртопласираниот Тотенхем, додека Кристал палас е на деветтото место со 37 бодови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот