ВИДЕО: „Америка е одговорна“: Кинеската државна телевизија објави симулација на минирањето на „Северен тек“
Кинеската државна телевизија ЦГТН (CGTN), која емитува програма на англиски јазик, објави графичка симулација и реконструкција на експлозијата која во септември тешко го оштети руско-германскиот гасовод „Северен тек 2“ во Балтичкото Море.
Во графичката реконтрукција, кинеската телевизија се повикува на истрагата со шокантни резултати, која ја спроведе американскиот истражувачки новинар-ветеран Сејмор Херш, а во која се тврди дека САД, односно администрацијата на американскиот претседател Џо Бајден е одговорна за саботажата на гасоводот вреден 12 милијарди долари, со кој управува руски „Газпром“.
Chinese🇨🇳 media outlet CGTN published a video explaining how the 🇺🇸US blew up the Nord Stream pipeline in details. The story is based on an investigation by journalist Seymour Hersh. pic.twitter.com/tH0X4qV0rz
— YUI (@yelim971227) February 28, 2023
ЦГТН, како и новинарот Херш, во прилогот тврди дека Соединетите Американски Држави, со помош на сојузниците од Норвешка, го минирале гасоводот во Северното море, кој носи руски гас во Германија.
Херш во написот објавен по истражувањето, повикувајќи се на неименуван извор во Вашингтон, пишува дека одлуката за минирање на „Северен тек 2“ ја донел лично Бајден. Според него, Бајден тоа го сторил откако претходно девет месеци разговарал со претставници на администрацијата кои се занимаваат со националната безбедност: Џејк Саливан, државниот секретар Ентони Блинкен, потсекретарот за политички прашања Викторија Нуланд и други.
Американски новинар: Бајден наредил да се минира гасоводот „Северен тек 2“