ВИДЕО: Активисти полија позната слика на Ван Гог со доматна супа
Климатски активиси фрлиле лименки со супа врз познатата слика на Ван Гог „Сончогледи“ во Националната галерија во Лондон.
На видеото се гледаат двајца млади кои носат маици „Стоп за нафтата“ ги отвораат лименките и ја фрлаат содржината кон ремек-делото пред да ги залепат рацете за ѕидот.
Activists with @JustStop_Oil have thrown tomato soup on Van Gogh’s Sunflowers at the national Gallery and glued themselves to the wall. pic.twitter.com/M8YP1LPTOU
— Damien Gayle (@damiengayle) October 14, 2022
Лондонската полиција соопшти дека двете лица се уапсени. Од галеријата велат дека сликата била покриена со стакло и затоа не била оштетена.
Во соопштението од Националната галерија се вели: „Непосредно по 11 часот утрово две лица влегоа во просторијата 43 на Националната галерија. Се чини дека парот се залепи за ѕидот до „Сончогледите“ на Ван Гог (1888). Тие исто така фрлија црвена супстанца – што изгледа како доматна супа – над сликата. Собата беше исчистена од посетители и повикана е полиција. Полицајците сега се на терен. Има мали оштетувања на рамката, но сликата не е оштетена“.
„Полицајците брзо пристигнаа на местото на настанот во Националната галерија утринава, откако двајца демонстранти од групата Just Stop Oil фрлија супстанца над сликата, а потоа се залепија за ѕидот. И двајцата беа уапсени“, соопшти полицијата.