Играчот за врска на Барселона, Артуро Видал, денеска ќе пристигне во Милано за да го финализира својот трансфер во Интер, објави новинарот Фабрицио Романо на својот Твитер профил.

Италијанскиот клуб од Милано според најавите ќе плати еден милион евра за услугите на чилеанскиот интернационалец. Чилеанецот практично повеќе не е фудбалер на каталонскиот клуб. Деновиве тој го раскина договорот со Барса.

Arturo Vidal will arrive in Milan today, according to Sky Italy ??

Inter will pay around €1m to sign him from Barcelona ? pic.twitter.com/XBlBYMGBHV

— Goal (@goal) September 20, 2020

Вчераутро пристигна во базата и се раздели со досегашните соиграчи од „Камп Ноу“. Веќе стана познато дека 33-годишниот Видал се договорил за договор со Интер. Неговата годишна плата ќе биде шест милиони евра без бонуси.

Се очекува неговиот договор со „неро-аѕурите“ да биде до 2022 година со опција за продолжување на соработката на уште 12 месеци.

Играчот за врска го носи дресот на Барселона од 2018 година, а претходно играше за Баерн, Јувентус, Баер Леверкузен и Коло Коло.