Ако некогаш сте наишле на стари објави на Тревис Келси на социјалните мрежи, знаете дека станува збор за вистинско интернет-богатство од 2010-тите. Но, во текот на викендот приказната доби неочекуван пресврт кога на еден негов твит стар 16 години одговори, ни помалку ни повеќе, туку НАСА, пренесува „Борд панда“.

Имено, Келси, играч на американски фудбал и вереник на Тејлор Свифт, во далечната 2010 година твитнал за Месечината. Пред шеснаесет години, тој напишал:

„Месечината вечерва изгледа неверојатно… Ќе се опуштам, ќе го замислам мојот успех и ќе уживам во погледот.“

На 5 април 2026 година, пристигна одговор од официјалниот профил на НАСА. Тие напишаа само:

„It’s been a long time coming…“ (англ. „Долго се чекаше…“).

За љубителите на музиката на Тејлор Свифт, оваа фраза веднаш беше препознатлива – станува збор за стих од нејзината песна „Miss Americana & the Heartbreak Prince“.

Корисниците на социјалните мрежи брзо сфатија за што станува збор, а еден коментар тоа најдобро го сумира: „Не ме чуди што има обожавател на Тејлор Свифт во НАСА. Секако дека има свифти таму.“

Раните твитови на Келси станаа легендарни поради нивната искреност и едноставност. Меѓу нив е и добро познатиот: „Боже, не ми се работи денес… само сакам да спијам и да не правам ништо!!“.

Особено се истакнува неговата навика на крајот од објавите да додава „Хаха“, дури и кога во нив нема ништо смешно. А тука е и класикот: „Само што ѝ дадов на една верверица парче леб и веднаш го изеде целиот!!!! Не знаев дека така јадат леб!! Хаха“.