Францускиот кошаркарски центар, Виктор Вембањама ги предводеше Сан Антонио Спарс до финалето на НБА, па поради тоа летово ќе биде награден со најголемиот договор во историјата на франшизата.

Вембањама има уште една спектакуларна сезона зад себе и според американските медиуми ќе добие максимален договор во вредност од 251 милион долари за пет години.

Како што пренесува ESPN, договорот ќе биде „побогат“ и ќе вклучи специјални бонуси поврзани со индивидуални награди. Доколку во текот на сезоната 2026/27, Вембањама биде избран во идеалната петорка на лигата, ја освои наградата за МВП или наградата за најдобар дефанзивец на НБА, вредноста на договорот би можела да се зголеми на дури 301 милион долари.

Ова практично значи дека младиот Французин би можел да заработи повеќе од 60 милиони долари по сезона, а дури и повеќе од 70 милиони во последната година од договорот.

Вембањама оваа сезона имаше просек од 25 поени, 11,5 скока и повеќе од три блокади по натпревар, ја освои наградата за најдобар дефанзивец во лигата и за прв пат се најде во идеалната петорка на НБА шампионатот.

ВИДЕО | Шампионот на колена, Сапрси по 12 години ќе играат во финалето од НБА