Ведска астрологија: Што нè очекува во 2022 и кој ќе биде пресвртниот месец во годината?
Во оваа 2022 година, многу луѓе ќе сфатат дека мислите и желбите можат да се претворат во реалност. Ќе сфатат колку е силна моќта на умот и тоа ќе почне да влијае на сите аспекти од нивниот живот. Април ќе биде особено важен месец оваа година, пренесува „mbg“.
Тие се посебни – на многу начини! Какви луѓе се луѓето родени на Божиќ?
Клучните датуми се:
12 април
Преминот кон моќта на свеста започнува во април, најважниот месец од годината во кој Сатурн, Јупитер, Раху и Кету (планетите на судбината) истовремено менуваат знаци. Планетите преземаат слична радикална промена додека минуваат
низ нови знаци.
Пред 12 април, може да бидете нетрпеливи и да мислите дека работите никогаш нема да се вратат во нормала. Можеби ќе почнете да се сомневате во сопственото чувство на надеж. Тука мора да се сетите на третата благородна вистина,
а тоа е дека страдањето има крај.
Од 12 април, вашите маки завршуваат. Раху („главата“ што води кон иднината) се среќава со Кету („опашката“ што нè поврзува со древното минато) додека преминуваат во Овен и Вага.
13 април
Во исто време, на 13 април, Јупитер, планетата на колективната свест, ќе влезе во својот омилен знак Риби. Јупитер ги сака Рибите како што китот го сака отворениот океан. Оваа транзиција на Јупитер е можеби најдоброто нешто што ќе се случи во 2022 година. Јупитер се придржува до утописките идеи и ги шири насекаде. Ја враќа колективната надеж и оптимизам. Ќе дојде до израз нов интерес за истражување и примена на свеста.
Голем хороскоп за месец јануари: Овните ќе имаат повеќе волја, Водолијата ќе освојува со својот шарм
28 април
И тука е Сатурн кој преминува во Водолија на 28 април, го напушта Јарецот и го подготвува теренот за оваа голема промена во светот од јануари 2020 година. Тука постои ризик да се разочарате од она што го добивате затоа што сакате нешто друго. Сатурн може да ве натера да се држите до застареното. Сепак, верен на својата контрадикторна природа изразена во знакот на Водолија, неговата моќ е да го турне човештвото напред променувајќи ги очекувањата.
