Ве мачи несоница? 7 намирници и пијалаци кои изненадувачки предизвикуваат проблеми со спиењето
Не пиете кафе шест часа пред спиење, ги исклучувате сите уреди, ја затемнувате просторијата, го исклучувате греењето, но сепак не можете да заспиете? Можеби занемарувате одредени аспекти од вашата исхрана, велат експертите за спиење.
Лекарите споделија со „Хафингтон пост“ листа на намирници кои секој што страда од несоница треба да ги избегнува.
Тоа се следниве намирници:
– зачинета храна
– пица (или што било со домати)
– плескавици
– сладолед
– млеко
– ароматизирана вода (ако содржи кофеин)
– чај од нане
Што да се јаде наместо „забранета“ храна?
Држете се до сложените јаглехидрати богати со влакна како што се кафеав ориз, леќа, леб од цело зрно пченица, заедно со немрсни протеини како пилешко и риба.
– Сите овие намирници се пријателски за дигестивниот тракт, што значи подобар сон – објаснил д-р Рај Дасгупта.
Времето на одење на спиење е, исто така, важно. Колку е поблиску до спиењето, толку оброкот треба да биде помал. Ноќната ужина треба да биде под 300 калории.
– Грст јаткасти плодови е добра ужина бидејќи содржи влакна и незаситени масти – советува д-р Абхинав Синг.