Ракометарите на Вардар вечерва ги очекува еден од најважните натпревари сезонава. „Црвено-црните“ од 20:45 часот гостуваат кај германскиот Мелсунген во последното коло од главната рунда во Европската лига, а исходот од овој дуел ќе одлучи дали македонскиот тим директно ќе обезбеди место во четвртфиналето.

Екипата предводена од Иван Чупиќ во пресрет на натпреварот се наоѓа на врвот на табелата во групата 3 и самата ја контролира својата судбина. За директен пласман меѓу осумте најдобри екипи во натпреварувањето, на Вардар му е доволно да остане непоразен на гостувањето во Германија.

На првиот меѓусебен натпревар одигран во Скопје, вардарци славеа со 37:33, но вечерашниот дуел има уште поголема тежина, бидејќи и двата тима се во трка за директен билет во четвртфиналето.

Вардар не дозволи изненадување и го потврди пласманот на Ф4