Вангелов: Решение со Бугарија е можно, но мора да престанат говорот на омраза и провокациите од Софија

Фото: Макфакс/принтскрин

Политикологот Огнен Вангелов, кој е член на Мешовитата комисија за историски и образовни прашања меѓу Македонија и Бугарија, во интервју за „Макфакс“ вели дека веќе подолго време има застој во работата на Комисијата. Застојот, како што појаснува, следува по одлуката на Бугарија да стави вето за почеток на преговорите на Македонија со ЕУ и тоа, како што образложи, се одразило и директно во работата на Комисијата.

„Се разликуваме во сфаќањето за тоа што значи поимот заедничка историја и тука не се согласуваме и веројатно нема да се согласиме ниту во иднина. Тоа е основата на застојот во Комисијата“, нагласи Вангелов.

Тој оценува дека може да се постигне секакво решение меѓу двете држави, но во порелаксирана атмосфера.

„Кога се вжештува атмосферата, а најчесто се вжештува од таа страна, не најчесто, туку исклучиво сите политички изјави што содржат елементи на омраза, на провокации, доаѓаат исклучиво од бугарска страна, зборуваме институционално. А тие велат дека овде има говор на омраза и дека Македонија мора да го спречи говорот на омраза кон Бугарија“, вели Вангелов.

Политикологот вели дека не е толку тешко да се дојде до решение за проблемите што се дискутираат на маса, туку проблем е политизирањето на тие решенија.

„Радев континуирано дава изјави, кои не само што се провокативни туку се и навредливи и понекогаш содржат говор на омраза. Тоа е институционализиран говор на омраза, кој доаѓа од Бугарија од највисоки државни претставници. На тоа треба да одговорат соодветните институции, а ние како членови на Комисијата се држиме до тоа што е наша задача и е во рамките на нашите надлежности“, посочува Вангелов.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот