Засилувањето за Вардар од оваа сезона, полскиот пикер Патрик Палчак смета дека „црвено-црните“ својата шанса за позитивен резултат ја гледаат во тоа што поголем дел од ракометарите беа дел од тимот кога тренер беше актуелниот стратег на ПСЖ, Раул Гонзалес и го познаваат неговиот систем на игра.

– Ни остана да направиме уште една видео-анализа пред заминувањето за Париз. Знаеме што и како треба да правиме на терен. Знаеме каков е системот на Раул затоа што повеќето играчи имаат играно под негово водство низ годините. Ги знаеме тие ситни детали што тој како тренер ги очекува од играчите во Париз. Се надеваме дека ќе се вратиме во Скопје со бодовите – изјави Валчак.