Дефинитивно селекторот на фудбалската репрезентација на Словенија Матјаж Кек не мора да се грижи за доручекот..

Заедно со своите помошници добија еден убав подарок поради одличните игри на неговата селекција во УЕФА Лигата на нации – бесплатен бурек до крајот на животот.

Словенците во Лигата „Ц“ од Лигата на нации забележаа четири победи и двапати ремизираа што им донесе учество во повисок ранг од натпреварувањето, а после мечот со Грција изминатата среда (0:0) на адреда на Кек дојде порака од една тамошна позната бурекџилница „Бурек Олимпија“ која е инаку и спонзор на националната репрезентација.

– Господине Кек, браво за заживувањето на националниот тим и вашите комуникациски вештини. Кај нас имате доживотен бесплатен бурек – се наведува во пораката објавена на Фејсбук.

Кек седна на селекторската клупа на Словенците во 2018 година, откако помина пет години во Риека со која беше хрватски шампион. Исто така ја водеше и Црвена звезда кога Миодраг Гроф Божовиќ го напушти клубот.